Turn Off Myanmar >>>

Myanmar (မြန်မာ)

English

အခန်းကြီး ၁

Chapter 1

၁ ကျွန်တော်က ပေါလု ဖြစ်ပါတယ်။ ကျွန်တော်က ဘုရားသခင်ရဲ့ အလိုတော်‌ကြောင့် ယေရှုခရစ်တော်ရဲ့တမန်တော် ဖြစ်လာခဲ့တယ်။ ကျွန်တော်နဲ့ ညီလေး တိမောသေက ခင်ဗျားတို့ကို နှုတ်ခွန်းဆက်ပါတယ်။

၂ ကောလောသဲမြို့မှာ နေထိုင်ကြတဲ့ ယေရှုခရစ်တော်ရဲ့သန့်ရှင်းပြီး သစ္စာရှိတဲ့ ညီအစ်ကိုတို့ ခင်ဗျားတို့ဆီ ကျွန်တော် စာရေးလိုက်ပါတယ်။

၃ ကျွန်တော်တို့ရဲ့ အဖဘုရားသခင်နဲ့ သခင်ယေရှုခရစ်တော်ဆီက ကျေးဇူးတော်နဲ့ ငြိမ်သက်ခြင်းကို လက်ခံရရှိကြပါစေ။ ကျွန်တော်တို့ရဲ့သခင် ယေရှုခရစ်တော်ရဲ့ အဖခမည်းတော် ဘုရားသခင်ဆီမှာ ခင်ဗျားတို့အတွက် အမြဲတမ်း ဆုတောင်းပြီးတော့ ကျေးဇူးတော်ချီးမွမ်းပါတယ်။

၄ ခင်ဗျားတို့က ယေရှုခရစ်တော်ကို ယုံကြည်ကြပြီးတော့ ဘုရားသခင်ရဲ့သန့်ရှင်းတဲ့လူတွေအားလုံးကို ချစ်တယ်ဆိုတာ ကျွန်တော်တို့ ကြားရတယ်။

၅ ခရစ်တော်အကြောင်း သတင်းကောင်းကို ခင်ဗျားတို့ ကြားတဲ့အချိန်မှာ ခင်ဗျားတို့က ဘုရားသခင်ရဲ့စစ်မှန်တဲ့စကားကို ယုံကြည်ခဲ့ကြတယ်။ ဘုရားသခင်က ကောင်းကင်နိုင်ငံမှာ ခင်ဗျားတို့အတွက် သူ့ရဲ့အမွေဥစ္စာကို ပြင်ဆင်ပေးထားတယ်ဆိုတာ ခင်ဗျားတို့ သိပြီးသားဖြစ်တယ်။ ပြီးတော့ ခင်ဗျားတို့က ဘုရားသခင်ရဲ့ ဒီအမွေဥစ္စာကို ရကြမယ်ဆိုတာကိုလည်း ခင်ဗျားတို့ အပြည့်အဝစိတ်ချကြတယ်။

၆ ခရစ်တော်အကြောင်း သမ္မာတရားကို ခင်ဗျားတို့ ကြားတဲ့နေ့မှာ ဘုရားသခင်ရဲ့ကျေးဇူးတော်က ဘာလဲဆိုတာ ခင်ဗျားတို့ နားလည်ခဲ့ကြတယ်။ အဲ့ဒီအခါ သတင်းကောင်းက ခင်ဗျားတို့အထဲမှာ စတင်အသက်ရှင်လာခဲ့တယ်။ အခု ခင်ဗျားတို့က ယေရှုကို ယုံကြည်ပြီးတော့ သူ့အကြောင်း သတင်းကောင်းကို ကမ္ဘာအနှံ့ ဖြန့်ဝေကြတယ်။ အဲ့ဒါက ရလဒ်တွေဖြစ်စေပြီးတော့ လူတွေအများကြီး ခရစ်တော်ဆီကို လာကြတယ်။ ခင်ဗျားတို့လိုပဲ သူတို့ရဲ့ယုံကြည်ခြင်းတွေ ကြီးထွားလာတယ်။

၇ ကျွန်တော်တို့ချစ်ရတဲ့ညီလေး ဧပဖြက ခရစ်တော်အကြောင်း သတင်းကောင်းကို ခင်ဗျားတို့ဆီ ဟောပြောခဲ့တယ်။ သူက ခင်ဗျားတို့ကြားထဲ အလုပ်လုပ်ပြီးတော့ ခရစ်တော်ကို သစ္စာရှိရှိ အစေခံနေပါတယ်။

၈ သန့်ရှင်းတဲ့ဝိညာဉ်တော်က ခင်ဗျားတို့ကို ချစ်ခြင်းမေတ္တာနဲ့ ပြည့်စေခဲ့တာကို သူက ကျွန်တော်တို့ဆီ ပြောပြခဲ့တယ်။

၉ ဒီအကြောင်းကို ကျွန်တော်တို့တွေ ကြားပြီးကတည်းက ခင်ဗျားတို့အတွက် ပုံမှန်ဆုတောင်းပေးကြတယ်။ ဘုရားသခင်က ခင်ဗျားတို့ဘဝမှာ သူလုပ်ဆောင်ချင်တာတွေအတွက် ခင်ဗျားတို့ကို အသိပညာပြည့်ပြည့်စုံစုံပေးဖို့ ဘုရားသခင်ဆီ ကျွန်တော်တို့ တောင်းလျှောက်ကြတယ်။ ဘုရားသခင်က ခင်ဗျားတို့ကို ဉာဏ်ပညာနဲ့ ဝိညာဉ်ရေးရာ နားလည်ခြင်းအားလုံး ပေးသနားပါစေ။

၁၀ သခင်ယေရှုက ကျွန်တော်တို့ကို ပေးခဲ့တဲ့ သတ်မှတ်ချက်တွေအတိုင်း ခင်ဗျားတို့တွေ အသက်ရှင်လိုက်လျှောက်ကြရမယ်။ သခင်ယေရှုကို သဘောကျနှစ်သက်စေမဲ့ အရာတွေကို အမြဲတမ်း လုပ်ဆောင်ကြပါ။ ကောင်းတဲ့အရာတွေကို လုပ်ဆောင်ကြပါ။ အဲ့ဒါက ရလဒ်တွေ ရစေတယ်ဆိုတာ ခင်ဗျားတို့ တွေ့ရလိမ့်မယ်။ ဘုရားသခင်ကို သိနားလည်ခြင်းမှာ ပိုပိုပြီးတော့ တိုးပွားကြပါ။

၁၁ သခင်ယေရှုက တန်ခိုးကြီးခြင်းနဲ့ ဘုန်းကျက်သရေအားလုံးကို ပိုင်ဆိုင်တယ်။ ဒါကြောင့် သူ့ရဲ့အစွမ်းတန်ခိုးရှိသမျှနဲ့ ကိုယ့်ကိုယ်ကို ခိုင်ခံ့စေဖို့ သခင်ယေရှုဆီ ခင်ဗျားတို့တွေ လာသင့်တယ်။ ဒါမှ ခင်ဗျားတို့တွေက ခံနိုင်ရည်ရှိခြင်းနဲ့ သည်းခံစိတ်ရှည်ခြင်းတွေ ပိုတိုးပွားလာပြီးတော့ ဝမ်းမြောက်ခြင်းနဲ့ အသက်ရှင်ရလိမ့်မယ်။

၁၂ ကျွန်တော်တို့ကို သူ့ရဲ့အမွေဥစ္စာ ရပိုင်ခွင့်ပေးတဲ့ အဖဘုရားသခင်ကို ကျေးဇူးတင်ကြပါ။ ကျွန်တော်တို့တွေက အလင်းထဲမှာ အသက်ရှင်ကြတဲ့ ဘုရားသခင်ရဲ့သန့်ရှင်းသူတွေအားလုံးနဲ့အတူ ဒီအမွေဥစ္စာကို ဝေမျှကြလိမ့်မယ်။

၁၃ ဘုရားသခင်က ကျွန်တော်တို့ကို အမှောင်ထုထဲကနေ ကယ်တင်ခဲ့လို့ ကျွန်တော်တို့အပေါ် သက်ရောက်မယ့် မှောင်မိုက်ရဲ့တန်ခိုးက ပျောက်ဆုံးသွားတယ်။ ဘုရားသခင်က ကျွန်တော်တို့ကို သူချစ်တဲ့သားတော် အုပ်ချုပ်တဲ့နိုင်ငံတော်ထဲ ခေါ်သွင်းခဲ့တယ်။

၁၄ ဘုရားရဲ့သားတော်က သူ့ရဲ့အသွေးကို သွန်းပေးခဲ့ပြီးတော့ ကျွန်တော်တို့ရဲ့လွတ်မြောက်ခြင်းအတွက် ပေးဆပ်ခဲ့တယ်။ အဲ့ဒါကြောင့် ကျွန်တော်တို့က အပြစ်တွေကနေ ခွင့်လွှတ်ခြင်းကို လက်ခံရရှိခဲ့ကြတယ်။

၁၅ ဘုရားရဲ့သားတော်က မျက်စိနဲ့မြင်လို့မရတဲ့ ဘုရားသခင်ရဲ့ပုံသဏ္ဌာန်တော် ဖြစ်တယ်။ လောကကြီးကို မဖန်ဆင်းခင်ကတည်းက အဖခမည်းတော်က သူ့ရဲ့သားတော်ကို ဖြစ်ဘွားစေခဲ့တယ်။

၁၆ ဘုရားသခင်က မိုးကောင်းကင်နဲ့ မြေကြီးပေါ် တည်ရှိသမျှအရာတိုင်းကို ဖန်ဆင်းခဲ့တယ်။ ဘုရားသခင်က ကျွန်တော်တို့ မြင်ရတဲ့အရာနဲ့ မမြင်ရတဲ့အရာတိုင်းကို ဖန်ဆင်းခဲ့တယ်။ ဘုရားသခင်က တိုင်းနိုင်ငံတွေကိုအုပ်ချုပ်ဖို့ ဘုရင်တွေအတွက် အခွင့်အာဏာကို ဖန်ဆင်းခဲ့တယ်။ ပြီးတော့ ဘုရားသခင်က ဒီအခွင့်အာဏာကို လူတွေဆီ ပေးအပ်ခဲ့တယ်။ ဘုရားသခင်က တခြားလူတွေကို ဦးဆောင်လမ်းပြဖို့ အုပ်ချုပ်သူတွေကို ခန့်အပ်ခဲ့တယ်။ ဘုရားသခင်က အရာခပ်သိမ်းကို ဖန်ဆင်းခဲ့ပြီးတော့ ဒါတွေကို သူ့အတွက်သူ လုပ်ခဲ့တာဖြစ်တယ်။

၁၇ ဘုရားသခင်က တခြားအရာတွေထက်အရင် တည်ရှိခဲ့ပြီးတော့ ဖန်ဆင်းထားတဲ့အရာအားလုံးကို အတူတကွ ထိန်းသိမ်းထားတယ်။

၁၈ ဘုရားသခင်ရဲ့သားတော်က အသင်းတော်ရဲ့ဦးခေါင်း ဖြစ်လာခဲ့ပြီးတော့ အသင်းတော်က သူ့ရဲ့ခန္ဓာကိုယ်ဖြစ်တယ်။ သားတော်က အရာအားလုံးရဲ့အစအဦးဖြစ်ပြီးတော့ ဘုရားသခင်က သေခြင်းကနေ ပထမဦးဆုံး အသက်ပြန်ရှင်စေခဲ့တဲ့သူ ဖြစ်တယ်။ အဲ့ဒါကြောင့် သားတော်က အရာအားလုံးရဲ့ပထမ ဖြစ်တယ်။

၁၉ ပြီးတော့ အဖဘုရားသခင်က သူ့ရဲ့သားတော်ထဲမှာရှိတဲ့ ပြီးပြည့်စုံခြင်းအားလုံးကို နှစ်သက်သဘောကျတယ်။

၂၀ ဘုရားသခင်ရဲ့သားတော်က သူ့ရဲ့အသွေးကို လက်ဝါးကားတိုင်ပေါ်မှာ သွန်းလောင်းခဲ့တယ်။ ဒါကြောင့် ဘုရားသခင်က သူ့ရဲ့သားတော်ကတစ်ဆင့် ကောင်းကင်နဲ့မြေကြီးပေါ် တည်ရှိသမျှအရာအားလုံးနဲ ငြိမ်းချမ်းရေး လုပ်ခဲ့တယ်။ အဖဘုရားသခင်က သူ့ရဲ့သားတော်အားဖြင့် လူသားအားလုံးကို သူနဲ့ပြန်ပြီးသင့်မြတ်စေခဲ့တယ်။

၂၁ ခင်ဗျားတို့ဟာ ဘုရားသခင်ရဲ့ အဝေးမှာ နေခဲ့ကြတယ်။ ခင်ဗျားတို့တွေက ဆိုးယုတ်တဲ့အပြုအမူတွေကို လုပ်ခဲ့ကြပြီးတော့ ခင်ဗျားတို့စိတ်ထဲမှာ ဘုရားသခင်နဲ့ရန်သူဖြစ်ခဲ့ကြတယ်။

၂၂ ခရစ်တော်ရဲ့ကိုယ်ခန္ဓာက ကားတိုင်ပေါ်မှာ အသေခံခဲ့တယ်။ ခရစ်တော်က သူ့ရဲ့အသေခံခြင်းကနေ အသင်းတော်ကို ဖြစ်ပေါ်စေခဲ့ပြီးတော့ ဒီအသင်းတော်ကို သူ့ရဲ့ကိုယ်ခန္ဓာလို့ ခေါ်ခဲ့တယ်။ ခရစ်တော်က သူ့ရဲ့ကိုယ်ခန္ဓာထဲမှာ ဘုရားသခင်နဲ့ ခင်ဗျားတို့ကို ပြန်သင့်မြတ်စေခဲ့လို့ အခု ခင်ဗျားတို့တွေက ဘုရားသခင်ရှေ့မှောက်မှာ ရှိကြတယ်။ ဘုရားသခင်က ခင်ဗျားတို့ကို သန့်ရှင်းတဲ့သူ၊ အပြစ်တင်စရာမရှိတဲ့သူနဲ့ ဘာအမှားမှမရှိတဲ့သူတွေအဖြစ် မြင်တယ်။

၂၃ ခင်ဗျားတို့တွေက ယုံမှားသံသယကင်းကင်းနဲ့ ဆက်ပြီးခိုင်မာတဲ့ယုံကြည်ခြင်းရှိကြရမယ်။ ခရစ်တော်အကြောင်းသတင်းကောင်းကို ခင်ဗျားတို့ ကြားတဲ့အခါမှာ အဲ့ဒီသတင်းကောင်းက ခင်ဗျားတို့ဆီ ခိုင်မာတဲ့မျှော်လင့်ခြင်းကို ယူလာပေးခဲ့တယ်။ ဒီမျှော်လင့်ခြင်းကို မပျောက်ဆုံးစေကြပါနဲ့။ မြေကြီးပေါ်မှာ ရှိတဲ့သူတိုင်း သတင်းကောင်းကို ကြားကြရမယ်။ ဒါကြောင့် ဒီသတင်းကောင်းကို လူတိုင်းဆီ ဟောပြောဖို့ ကျွန်တော် ပေါလုက အမှုတော်ဆောင်တစ်ယောက် ဖြစ်လာခဲ့တယ်။

၂၄ ခရစ်တော်ဟာ လက်ဝါးကားတိုင်ပေါ်မှာ ဒုက္ခဆင်းရဲခံတဲ့အချိန်မှာ အသင်းတော်ကို ဖြစ်ပေါ်စေခဲ့တယ်။ ခင်ဗျားတို့ကြောင့် ကျွန်တော်လည်း ဒုက္ခဝေဒနာခံစားရတယ်။ ဒါပေမဲ့ ခရစ်တော်ရဲ့ကိုယ်ခန္ဓာဖြစ်တဲ့ အသင်းတော်ကြောင့် ရုပ်ပိုင်းဆိုင်ရာ ဒုက္ခဆင်းရဲတွေ ခံစားရတာကို ကျွန်တော် ဝမ်းသာတယ်။ ဘယ်လိုပဲဖြစ်ဖြစ် ကျွန်တော့်ရဲ့ဒုက္ခဆင်းရဲတွေကို ခရစ်တော်ရဲ့ဒုက္ခဆင်းရဲတွေနဲ့ နှိုင်းယှဉ်လို့မရပါဘူး။

၂၅ ကျွန်တော်က အသင်းတော်ကို အစေခံပြီးတော့ ဘုရားသခင်ရဲ့အိမ်တော်ကို ဆောက်လုပ်တယ်။ ဘုရားသခင်က ခင်ဗျားတို့ရဲ့အကျိုးအတွက် ဒီတာဝန်ကို ကျွန်တော့်ဆီ ပေးခဲ့တာဖြစ်လို့ ကျွန်တော်က ဘုရားသခင်ရဲ့နှုတ်ကပတ်စကားကို ပြည့်စုံအောင် ဆောင်ရွက်နိုင်ခဲ့တာ ဖြစ်တယ်။

၂၆ ရာစုနှစ်နဲ့ချီပြီးတော့ ဘုရားသခင်ရဲ့နှုတ်ကပတ်စကားထဲမှာ လျှို့ဝှက်ချက်ကို ဖုံးကွယ်ထားခဲ့တယ်။ အရင်မျိုးဆက်က လူတွေက ဒီလျှို့ဝှက်ချက်ကို မသိခဲ့ကြဘူး။ ဒါပေမဲ့ အခုတော့ ဘုရားသခင်က ဒီလျှို့ဝှက်ချက်ကို သူ့ရဲ့သန့်ရှင်းတဲ့လူတွေဆီ ထုတ်ဖော်ပြသခဲ့တယ်။

၂၇ ဘုရားသခင်က ဒီလျှို့ဝှက်ချက်ကို သူ့ရဲ့သန့်ရှင်းတဲ့လူမျိုးဆီ ဖော်ပြချင်ခဲ့တာဖြစ်တယ်။ ဘုရားသခင်က လူမျိုးခြားတွေကို သူ့ရဲ့ဘုန်းကျက်သရေနဲ့ ကြွယ်ဝစေခဲ့တယ်။ လူမျိုးခြားတို့၊ အခု ခရစ်တော်က ခင်ဗျားတို့ အထဲမှာ အသက်ရှင်တယ်။ ခင်ဗျားတို့တွေက ဘုရားသခင်ရဲ့ဘုန်းကျက်သရေထဲ ဝင်ကြရမယ်ဆိုတာကို အပြည့်အဝ စိတ်ချကြပါ။

၂၈ ကျွန်တော်တို့က ခရစ်တော်အကြောင်းဟောပြောပြီးတော့ ဘုရားသခင်ရဲ့သမ္မာတရားကို လူတွေ နားလည်လာအောင် ကူညီပေးပါတယ်။ လူတစ်ယောက်ချင်းစီတိုင်း ယေရှုခရစ်တော်ထဲမှာ ဝိညာဉ်ရေးရင့်ကျက်လာနိုင်ဖို့ ကျွန်တော်တို့က လူတစ်ယောက်ချင်းစီကို ရှိသမျှဉာဏ်ပညာနဲ့ သွန်သင်ပေးကြတယ်။

၂၉ ဒါကြောင့်ပဲ ကျွန်တော်က အလုပ်ကြိုးစားပြီးတော့ ကျွန်တော်ရဲ့အမှုတော်လုပ်ငန်းမှာ တွေ့ကြုံရတဲ့ အခက်အခဲတွေအားလုံးကို စိတ်ရှည်ရှည်နဲ့ ခံနိုင်ရည်ရှိတာ ဖြစ်တယ်။ ကျွန်တော်က ကျွန်တော့်အထဲမှာ တန်ခိုးကြီးမားစွာနဲ့ အလုပ်လုပ်တဲ့ ခရစ်တော်ရဲ့အစွမ်းတန်ခိုးကို အပြည့်အဝမှီခိုပါတယ်။
1 I am Paul, and I became the apostle of Jesus Christ by the will of God. I am greeting you along with our brother Timothy.

2 I am writing to you, to the holy and faithful brothers in Jesus Christ, who live in Colosse.

3 Receive grace and peace from God our Father and the Lord Jesus Christ. We always pray for you and give thanks to God who is the Father of our Lord Jesus Christ.

4 We got to know that you believe in Jesus Christ and love all the holy people of God.

5 When you heard the Good News about Christ, you believed in the true Word of God. So you have already know that God prepared an inheritance for you in heaven. And you have full confidence that you will receive this inheritance of God.

6 On the day when you heard the truth about Christ, you understood what God's grace is. Then the Good News started living in you. Now you believe in Jesus and spread the Good News about Him throughout the world. It brings results, and many people turn to Christ. Their faith grows just like yours does.

7 Our dear brother Epaphras preached to you about Jesus. He ministers among you and faithfully serves Christ.

8 He told us that the Holy Spirit filled you with love.

9 Since the time we heard it, we have started praying for you regularly. We ask God to give you complete knowledge of what He wants to do in your lives. May God give you all the wisdom and spiritual understanding.

10 You must live according to the requirements the Lord has given us. Always act in such a way that you would please Him. Do good deeds, and you will see that they will bring results. Grow in the knowledge of God more and more.

11 The Lord has all might and glory. That is why you should turn to Him to strengthen yourselves with all His power. Then you will live in joy because you will be able to develop endurance and patience.

12 Thank God the Father who gave us the right to receive His inheritance. We will share the inheritance with all the holy people of God who live in the light.

13 God saved us from the darkness, and the darkness lost its power over us. God brought us into the Kingdom where His beloved Son rules.

14 When the Son of God shed His blood, He paid for our freedom, and we received the forgiveness of sins.

15 The Son of God is the image of the invisible God. The Father gave birth to His Son before He created the world.

16 God created everything that exists in heaven and on earth. He created everything what we can see and what we cannot see. He established authority for kings to rule over countries. And He entrusted this authority to people. He appointed rulers to lead others. God created everything, and He did it for Himself.

17 God existed before anything else, and He holds all creation together.

18 The Son of God became the head of the Church, and the Church is His Body. He is the beginning of everything, and He is the first who was raised from the dead. That is why He holds the first place in everything.

19 And the Father is pleased that all perfection is in His Son.

20 The Son of God shed His blood on the cross. And through His Son God made peace with all that exist in heaven and on earth. Through His Son the Father reconciled all people with Himself.

21 You used to be far from God. You were doing evil deeds, and you were hostile to God in your mind.

22 When the physical body of Christ died on the cross, through His death He created the Church and called it His Body. He reconciled you with God in His Body. That is why now you are in the presence of God. And He sees you as holy, blameless, and without any fault.

23 But you must continue to have strong faith and do not doubt. When you heard the Good News about Christ, it filled your hearts with hope that you should not lose. Everyone who lives on the earth should hear the Good News about Christ. That is why I, Paul, became a minister to preach this Good News to all people.

24 When Christ suffered on the cross, He created the Church. And I also suffer because of you. But I rejoice that I endure physical sufferings because of the Church which is the Body of Christ. However I cannot compare my sufferings with the sufferings of Christ.

25 I serve the Church and build the house of God. God gave me this responsibility for your benefit so that I could fulfill the Word of God.

26 For centuries the secret was hidden in the Word of God. And previous generations of people did not know this secret. But now God revealed it to His holy people.

27 And this is the secret which God wanted to show to His people. God made the Gentiles rich with His glory. Gentiles, now Christ lives in you. And you can be sure that you will enter the glory of God.

28 We preach about Christ and lead people to understanding of the truth. We teach every person with all the wisdom so that everyone could become spiritually mature in Jesus Christ.

29 That is why I work so hard and patiently endure all the difficulties which I face in my ministry. And I fully rely on the power of Christ which works in me in a mighty way.

အခန်းကြီး ၂

Chapter 2

၁ ကြီးမားတဲ့ အခက်အခဲတွေကို ကြုံတွေ့နေရပေမဲ့ ကျွန်တော်က သခင်ယေရှုကို ဆက်ပြီးအစေခံနေတယ်ဆိုတာ ခင်ဗျားတို့ကို သိစေချင်တယ်။ ကျွန်တော်ရဲ့အမှုဆောင်ခြင်းက ခင်ဗျားတို့နဲ့ လောဒိကိမှာနေတဲ့သူတွေဆီ ကောင်းကြီးမင်္ဂလာဖြစ်စေဖို့ ကျွန်တော် ဆုတောင်းပါတယ်။ ခင်ဗျားတို့ထဲက တစ်ချို့က ကျွန်တော့်ကို လူချင်းမဆုံဖူးပါဘူး။

၂ ကျွန်တော် ခင်ဗျားတို့ကို တစ်ယောက်နဲ့တစ်ယောက် ချစ်ခြင်းမေတ္တာ ထားစေချင်တယ်။ ချစ်ခြင်းမေတ္တာက စည်းလုံးညီညွတ်စေပြီးတော့ စိတ်နှလုံးကို ငြိမ်သက်စေတယ်။ အဖဘုရားသခင်က သူ့ရဲ့ခရစ်တော်အကြောင်းလျှို့ဝှက်ချက်ကို ခင်ဗျားတို့ဆီ ထုတ်ဖော်ပြသဖို့ ကျွန်တော် ဆုတောင်းပါတယ်။ ဒီလျှို့ဝှက်နက်နဲတဲ့အရာကို ခင်ဗျားတို့တွေ ပြည့်ပြည့်စုံစုံနဲ့ နက်နက်ရှိုင်းရှိုင်း နားလည်နိုင်ကြဖို့အတွက်လည်း ဘုရားသခင်ဆီမှာ ကျွန်တော် တောင်းလျှောက်ပါတယ်။

၃ ဖွက်ထားတဲ့ ဘဏ္ဍာတွေအားလုံးကို ခရစ်တော်ဆီမှာ ခင်ဗျားတို့ ရှာတွေ့လိမ့်မယ်။ ဒီဘဏ္ဍာတွေက ခင်ဗျားတို့ကို အသိပညာနဲ့ ဉာဏ်ပညာ ပေးလိမ့်မယ်။

၄ တစ်ယောက်ယောက်က သူ့ရဲ့မဟုတ်မမှန်တဲ့စကားတွေနဲ့ ခင်ဗျားတို့ကို စည်းရုံးသိမ်းသွင်းပြီးတော့ ဘုရားရဲ့သမ္မာတရားကနေ ခင်ဗျားတို့ကို လမ်းလွဲစေမှာကို ကျွန်တော် မလိုချင်လို့ ခင်ဗျားတို့ဆီ ဒီအကြောင်းကို ပြောပြနေတာ ဖြစ်တယ်။

၅ ကျွန်တော်က ခင်ဗျားတို့နဲ့ ခန္ဓာကိုယ်ချင်း ဝေးနေပေမဲ့ ဝိညာဉ်အားဖြင့် ခင်ဗျားတို့နဲ့အတူ ရှိနေတယ်။ ခင်ဗျားတို့က ခရစ်တော်ကို ခိုင်ခိုင်မာမာနဲ့ယုံကြည်ကြတယ်ဆိုတာ ကျွန်တော် တွေ့ရတယ်။ ခင်ဗျားတို့တွေ အစစအရာရာမှာ အဆင်ပြေနေကြတာကို ကျွန်တော် ဝမ်းသာတယ်။

၆ ခင်ဗျားတို့တွေက ယေရှုခရစ်တော်ကို ယုံကြည်ကြတဲ့အခါ ခရစ်တော်ကို ခင်ဗျားတို့ရဲ့သခင် ဖြစ်စေခဲ့ကြတယ်။ ခရစ်တော်နောက်ကို ဆက်လိုက်လျှောက်ပြီးတော့ သူလုပ်ဆောင်တဲ့အတိုင်း ပြုမူကြပါ။

၇ ခရစ်တော်ဆီမှာ နက်နက်ရှိုင်းရှိုင်း အမြစ်တွယ်ပြီးတော့ ကြီးထွားတိုးတက်ကြပါ။ ကျေးဇူးတော်ချီးမွမ်းခြင်းက ခင်ဗျားတို့ရဲ့ယုံကြည်ခြင်းကို ခိုင်မာစေတယ်ဆိုတာ ခင်ဗျားတို့သိကြပါတယ်။ ဒါကြောင့် ဘုရားသခင်ကို ပိုကျေးဇူးတင်လေလေ၊ ခင်ဗျားတို့ရဲ့ယုံကြည်ခြင်းက ပိုခိုင်မာလေလေ ဖြစ်တယ်။

၈ ညီအစ်ကိုတို့၊ အတွေးအခါ်ပညာတွေကို စိတ်မဝင်စားကြနဲ့။ ယုတ္တိမရှိတာတွေကိုလည်း မယုံကြည်ကြနဲ့။ ဒီအတွေးအခေါ်ပညာတွေနဲ့ ယုတ္တိမရှိတာတွေက လောကလူသားတွေ ဖန်တီးသတ်မှတ်တဲ့ ဓလေ့ထုံးစံတွေနဲ့ စည်းမျဉ်းတွေအပေါ် အခြေခံတယ်။ အဲ့ဒီအစား ခင်ဗျားတို့က ခရစ်တော်ရဲ့သွန်သင်ခြင်းတွေကို လိုက်လျှောက်ကြရမယ်။

၉ ဘုရားသခင်က ခရစ်တော်ရဲ့ကိုယ်ခန္ဓာထဲမှာ ကြွလာခဲ့ပြီးတော့ ခရစ်တော်အထဲမှာ ပြီးပြည့်စုံခြင်းနဲ့ အသက်ရှင်တယ်။

၁၀ ခင်ဗျားတို့ဟာ ဝိညာဉ်ဆိုင်ရာ အစွမ်းတန်ခိုးတွေနဲ့ အခွင့်အာဏာတွေအားလုံးရဲ့ ဦးခေါင်းဖြစ်တဲ့ ခရစ်တော်ထဲမှာ အသက်ရှင်သူတွေဖြစ်လို့ ခင်ဗျားတို့ဆီမှာလည်း ဘုရားသခင်ရဲ့ပြီးပြည့်စုံခြင်း ရှိတယ်။

၁၁ လူမျိုးခြားတို့၊ ခင်ဗျားတို့က ဘုရားသခင်နဲ့ သက်ဆိုင်ကြလို့ ခင်ဗျားတို့လည်း အရေဖျားလှီးခြင်းကို ခံရတယ်။ ခင်ဗျားတို့ကို အရေဖျားလှီးခဲ့တာ လူတစ်ယောက်မဟုတ်ဘူး၊ ဘုရားသခင် ဖြစ်တယ်။ ခင်ဗျားတို့ကို အရေဖျားလှီးခဲ့တာ ခရစ်တော် ဖြစ်တယ်။ ဒါပေမဲ့ ခရစ်တော်က ခင်ဗျားတို့ရဲ့ဇာတိကိုယ်ခန္ဓာကို မထိမကိုင်ခဲ့ပါဘူး။ ခရစ်တော်က ခင်ဗျားတို့ရဲ့အတွင်းလူကို အရေဖျားလှီးပေးခဲ့ပြီးတော့ ခင်ဗျားတို့ရဲ့အပြစ်လုပ်တတ်တဲ့ဇာတိကို ဖယ်ရှားပေးခဲ့တယ်။

၁၂ ဘုရားသခင်က ခရစ်တော်ကို သူ့ရဲ့တန်ခိုးတော်အားဖြင့် သေခြင်းကနေ ထမြောက်စေခဲ့တယ်။ ဘုရားသခင်ရဲ့တန်ခိုးကို ခင်ဗျားတို့ ယုံကြည်တဲ့အခါမှာ ရေနှစ်ခြင်းဗတ္တိဇံ ခံယူခဲ့ကြတယ်။ ဗတ္တိဇံခံနေတဲ့အချိန်မှာ ခင်ဗျားတို့က ရေအောက်ကို ရောက်သွားပြီးတော့ ခရစ်တော်နဲ့အတူတကွ ကိုယ်တိုင် မြှုပ်နှံခံခဲ့ကြတယ်။ ပြီးတော့ ရေထဲကနေ ခင်ဗျားတို့ ပြန်ထွက်လာတဲ့အခါမှာ ခရစ်တော်နဲ့အတူတကွ အသက်ရှင်တဲ့သူ ဖြစ်လာခဲ့ကြတယ်။

၁၃ အတိတ်က ခင်ဗျားတို့ဟာ အပြစ်တွေကို လုပ်ခဲ့ကြလို့ ခင်ဗျားတို့ရဲ့အပြစ်တွေက ခင်ဗျားတို့ကို သေစေခဲ့တယ်။ ခင်ဗျားတို့ဟာ ကိုယ့်ကိုယ်ကို အရေဖျားမလှီးခဲ့ကြသလို ဘုရားသခင်နဲ့သက်ဆိုင်တဲ့သူတွေလည်း မဟုတ်ခဲ့ကြပါဘူး။ ဒါပေမဲ့ ဘုရားသခင်က ကျွန်တော်တို့ရဲ့အပြစ်တွေအားလုံးကို ခွင့်လွှတ်ပြီးတော့ ခရစ်တော်နဲ့အတူ အသက်ရှင်စေခဲ့တယ်။

၁၄ ကျွန်တော်တို့ရဲ့အပြစ်စာရင်းက ကျွန်တော်တို့ကို စွဲချက်တင်ပြီးတော့ ဘုရားသခင်ဆီမှာ အကြွေးတင်သူတွေ ဖြစ်စေခဲ့တယ်။ ဒါပေမဲ့ ခရစ်တော်က ကျွန်တော်တို့ရဲ့အပြစ်စာရင်းတွေကို လက်ဝါးကားတိုင်မှာ ရိုက်သတ်ခဲ့ပြီးတော့ ဘုရားသခင်ဆီသွားမဲ့ ကျွန်တော်တို့ရဲ့လမ်းမှာရှိတဲ့ အတားအဆီးတွေကို ဖယ်ရှားခဲ့တယ်။

၁၅ ခရစ်တော်က အထွဋ်အမြတ်နဲ့ အာဏာစက်တွေကို ဝိညာဉ်လောကမှာ အစွမ်းအစမဲ့စေခဲ့တယ်။ ခရစ်တော်က သူတို့ကို လက်ဝါးကားတိုင်ပေါ်မှာ အနိုင်ယူအောင်ပွဲခံခဲ့ပြီးတော့ လူသိရှင်ကြား အရှက်တကွဲဖြစ်စေခဲ့တယ်။

၁၆ ခင်ဗျားတို့ ဘာကို စားပြီး ဘာကို သောက်သလဲဆိုတာ အရေးမကြီးဘူး။ ခင်ဗျားတို့က ယုဒလူမျိုးတွေရဲ့ ဘာပွဲတော်တွေကို ဆင်နွှဲကြသလဲဆိုတာ အရေးမကြီးဘူး။ ခင်ဗျားတို့တွေ လဆန်းပွဲကို ဆင်နွှဲကြတာလား၊ ဥပုသ်စောင့်တာလားဆိုတာလည်း အရေးမကြီးပါဘူး။ အဲဒါတွေကြောင့် ခင်ဗျားတို့ကို ဘယ်သူမှ အပြစ်မတင်ပါစေနဲ့။

၁၇ ယုဒလူမျိုးတွေရဲ့ဓလေ့ထုံးတမ်းတွေက အနာဂါတ်မှာ ဖြစ်ပျက်မဲ့အရာတွေရဲ့ အရိပ် ဖြစ်တယ်။ အဲ့ဒီအနာဂါတ်က ခရစ်တော် ဒီလောကထဲကို ကိုယ်ခန္ဓာနဲ့ ဆင်းကြွလာခဲ့တဲ့အချိန်မှာ ဖြစ်ပျက်ခဲ့တယ်။ ဒါကြောင့် အခု ခင်ဗျားတို့က ယုဒတွေရဲ့ ဓလေ့ထုံးတမ်းတွေကို မလိုက်နာတော့ဘဲ ခရစ်တော်နောက်ကို လိုက်လျှောက်သင့်တယ်။

၁၈ တစ်ချို့လူတွေက သူတို့ရဲ့မမှန်ကန်တဲ့နှိမ့်ချမှုကို ပြသပြီးတော့ သူတို့ရဲ့ အပြစ်လုပ်တတ်တဲ့အတွေးတွေက သူတို့ကို မာနထောင်လွှားစေတယ်။ သူတို့တွေက ကောင်းကင်တမန်တွေကို တွေ့ခဲ့ကြတယ်လို့ အခိုင်အမာပြောပြီးတော့ ကောင်းကင်တမန်တွေကို စပြီး ကိုးကွယ်ခဲ့ကြတယ်။ ခင်ဗျားတို့ကို လိမ်ညာလှည့်ဖျားနေတဲ့ ဒီလိုလူတွေကို မယုံကြနဲ့။

၁၉ ခရစ်တော်က အသင်းတော်ရဲ့ဦးခေါင်းဖြစ်တယ်။ ဒါပေမဲ့ ဒီလိုလူတွေက ဦးခေါင်းဖြစ်တဲ့ ခရစ်တော်နဲ့ မပေါင်းစည်းကြဘူး။ ခရစ်တော်က ကိုယ်ခန္ဓာတစ်ခုလုံးကို ကိုယ်အင်္ဂါအစိတ်အပိုင်းမျိုးမျိုးနဲ့ အတူတကွ ဖွဲ့စည်းချိတ်ဆက်ပြီးတော့ ထိန်းသိမ်းထားတယ်။ ဘုရားသခင်က ခရစ်တော်ရဲ့ကိုယ်ခန္ဓာဖြစ်တဲ့ ယုံကြည်သူတွေအားလုံးကို ကျွေးမွေးပြုစုလို့ အသင်းတော်က ကြီးထွားလာတယ်။

၂၀ ခင်ဗျားတို့က ခရစ်တော်နဲ့အတူ ဒီလောကမှာ လူတွေဖန်တီးကြတဲ့ စည်းမျဉ်းတွေအတွက် သေဆုံးခဲ့သူတွေ ဖြစ်ကြတယ်။ ဒါပေမဲ့ ခင်ဗျားတို့က ဒီလောကသားတွေလို ပြုမူနေကြသေးတယ်။

၂၁ “အဲ့ဒါကို မယူနဲ့၊ အဲ့ဒါကို မစားနဲ့၊ အဲ့ဒါကို မထိနဲ့” လို့ ပြောတဲ့ စည်းမျဉ်းတွေကို ခင်ဗျားတို့တွေ လိုက်နာနေကြတုန်းပဲ။

၂၂ လူတွေက တစ်ချို့အရာတွေကို တားမြစ်ပြီးတော့ စည်းမျဉ်းတွေကို ပြုလုပ်ကြတယ်။ ဒါပေမဲ့ အချိန်ကြာလာတာနဲ့အမျှ ဒီသွန်သင်ချက်တွေက ပျောက်ကွယ်သွားကြတယ်။

၂၃ လူတွေက သူတို့ရဲ့ဘာသာတရားကိုင်းရှိုင်းမှုကို ဖော်ပြကြလို့ ဒီလိုမျိုးသွန်သင်ချက်တွေက ပညာရှိသလို ထင်ရတယ်။ လူတွေဟာ ဟန်ဆောင်တဲ့ နှိမ့်ချမှုနဲ့ အသက်ရှင်ကြပြီးတော့ သူတို့ရဲ့ကိုယ်ခန္ဓာကို ပင်ပန်းစေကြတယ်။ ဒါပေမဲ့ တားမြစ်ချက်တွေနဲ့ စည်းမျဉ်းတွေက လူတစ်ယောက်ရဲ့ မကောင်းတဲ့အလိုဆန္ဒတွေကို မကျော်လွှားနိုင်ပါဘူး။
1 I want you to know that I am facing great challenges. But despite this, I keep serving the Lord. I pray that my ministry would bring a blessing to both you and those who live in Laodicea. Even though some of you have never met me personally.

2 I want you to love one another. Love unites and brings peace to the hearts. I pray that God the Father would reveal to you His mystery about Christ. I also ask God that you could fully and deeply understand this mystery.

3 In Christ you will discover all the hidden treasures that will fill you with wisdom and knowledge.

4 I do not want anyone to convince you with false words and lead you away from God's truth. That is why I am sharing this with you.

5 Physically I am far away from you, but spiritually I am with you. I can see that you firmly believe in Christ. And I rejoice that everything is going well with you.

6 When you turned to Jesus Christ, you made Him your Lord. Keep following Him and do as He does.

7 Develop deep roots and grow in Christ. You know that thanksgiving strengthens your faith. So the more you thank God, the stronger your faith becomes.

8 Brothers, do not get caught up in philosophy and do not believe in nonsense. There are traditions and rules behind these things that were established by the people of this world. Instead, you should follow the teaching of Christ.

9 God came in the body of Christ and lives in Him in full perfection.

10 You also have full perfection of God because you are in Christ who is supreme over all spiritual powers and authorities.

11 Gentiles, you belong to God, and you were also circumcised. But it was God who circumcised you, not a man. It was Christ who circumcised you, but it was not a physical circumcision of the body. Christ circumcised your inner person and removed your sinful nature.

12 God raised Christ from the dead by His power. When you believed in the power of God, you were baptized. During baptism you went under the water and buried yourselves along with Christ. Then you rose from the water and became alive along with Him.

13 You used to sin, and your sins made you dead. You were uncircumcised, and you did not belong to God. But God forgave us all our sins and made us alive along with Christ.

14 The list of our sins accused us and made us debtors to God. But Christ nailed the list of our sins to the cross and removed it as an obstacle from our path to God.

15 Christ made the rulers and authorities powerless in the spiritual world. He publicly shamed them and triumphantly defeated them on the cross.

16 It is not important what you eat or drink and which Jewish festivals you celebrate. It does not matter if you celebrate the beginning of new month, and if you keep the Sabbath. Let no one judge you for these things.

17 Jewish rituals were a shadow of what was to happen in the future. And this future already came when Christ was born into this world in a physical body. Now you should follow Christ and should not keep the Jewish rituals.

18 Some people show off their false humility and their sinful thoughts make them proud. They claim that they saw angels so they started worshiping them. But you must not believe such people because they are deceiving you.

19 Christ is the Head of His Body, but such people are not united with the Head. Christ holds the whole Body together. He connects it with joints and binds it together with various connections. God nourishes the Body of Christ so the Church can grow.

20 So you died with Christ to the rules that were established by the people of this world. But you keep acting like these people. You still obey these rules which say,

21 “Do not take it. Do not eat it. Do not touch it”.

22 People prohibit things and create rules, but eventually these teachings fade away.

23 Such teachings may look wise because people show off their religious zeal. They live in false humility and make their bodies exhausted. But prohibitions and rules cannot overcome the evil desires of a person.

အခန်းကြီး ၃

Chapter 3

၃း၁ ခင်ဗျားတို့က ကောင်းကင်နိုင်ငံမှာ ဘုရားသခင်ရဲ့လက်ယာဖက် ဂုဏ်သရေရှိတဲ့နေရာမှာထိုင်တဲ့ ခရစ်တော်နဲ့အတူ ပြန်အသက်ရှင်ခဲ့ကြတာဖြစ်လို့ ကောင်းကင်နဲ့ဆိုင်တဲ့အရာကို အာရုံစိုက်ကြပါ။

၂ လောကအရာတွေကို မစဉ်းစားဘဲ ဝိညာဉ်နဲ့ဆိုင်တဲ့အရာတွေကိုပဲ စဉ်းစားကြပါ။

၃ အပြစ်လုပ်တတ်တဲ့ဘဝအတွက် ခင်ဗျားတို့က သေသွားကြတယ်။ ဒီလောကကနေ လုံခြုံတဲ့ခိုလှုံရာကို ဘုရားသခင်ဆီမှာ ခင်ဗျားတို့ ရှာတွေ့ခဲ့ကြတယ်။ အခု ခင်ဗျားတို့က ခရစ်တော်နဲ့အတူ ဘဝသစ်မှာ အသက်ရှင်ကြတယ်။

၄ ခရစ်တော် ကမ္ဘာမြေကြီးကို ဆင်းကြွလာတဲ့အခါ ခင်ဗျားတို့လည်း ခရစ်တော်နဲ့အတူ သူ့ရဲ့ဘုန်းကျက်သရေနဲ့ လာကြလိမ့်မယ်။

၅ ဒါကြောင့် ခင်ဗျားတို့ရဲ့ အပြစ်လုပ်တတ်တဲ့ဇာတိကို သေစေကြပါ။ လိင်ကိစ္စအကျင့်ပျက်ယိုယွင်းမှု၊ ဆိုးယုတ်တဲ့အလိုဆန္ဒတွေ၊ စွဲလမ်းမှုတွေနဲ့ စက်ဆုပ်ရွံရှာစရာကောင်းတဲ့ ကိလေသာတပ်မက်မှုတွေကို သေဆုံးစေရမယ်။ အရာဝတ္ထုတွေကို ရုပ်ထုဆင်းထုလို ကိုးကွယ်စေတဲ့ ခင်ဗျားတို့ရဲ့ လောဘကြီးခြင်းတွေကို အသေသတ်ကြပါ။

၆ လူတွေက အပြစ်ကို ဆက်လုပ်ရင်းနဲ့ ဘုရားသခင်ကို ဆက်ပြီးရန်ပြုကြလို့ ဘုရားသခင်က သူတို့ကို အမျက်ဒေါသ ထွက်လာလိမ့်မယ်။

၇ ခင်ဗျားတို့လည်း တခြားသူတွေလိုပဲ အသက်ရှင်နေထိုင်ခဲ့ဖူးကြတယ်။ ခင်ဗျားတို့လည်း လူတွေအားလုံး လုပ်ကြသလိုပဲ အပြစ်တွေကို လုပ်ခဲ့ကြတယ်။

၈ ဒါပေမဲ့ အခုချိန်မှာ ခင်ဗျားတို့တွေက အသက်တာရဲ့နည်းလမ်းဟောင်းကို ထားခဲ့ရမယ်။ စိတ်မဆိုးကြနဲ့၊ အမျက်ဒေါသမကြီးကြနဲ့။ ဆိုးယုတ်တဲ့အပြုအမူတွေမှာ မပါဝင်ကြနဲ့။ တစ်ယောက်ကိုတစ်ယောက် မစော်ကားကြနဲ့၊ ညစ်ညမ်းတဲ့စကားတွေ မပြောကြနဲ့။

၉ တစ်ယောက်ကိုတစ်ယောက် မလိမ်ညာကြနဲ့။ ခင်ဗျားတို့ရဲ့အပြစ်တွေကို အဝတ်ဟောင်းချွတ်သလို ခင်ဗျားတို့ရဲ့အတွင်းလူဆီကနေ ချွတ်ပစ်ပါ။ ခင်ဗျားတို့ရဲ့ အပြစ်လုပ်တတ်တဲ့အပြုအမူဆီ ပြန်မလှည့်ကြနဲ့။

၁၀ ဘုရားသခင်ရဲ့သဘောသဘာဝအသစ်ကို ယူတင်ဝတ်ဆင်ကြပါ။ ဘုရားသခင်ကို သိကျွမ်းပြီးတော့ ဖန်ဆင်းရှင်ဘုရားသခင်နဲ့တူလာဖို့ ခင်ဗျားတို့ရဲ့အတွင်းလူကို အသစ်ပြုပြင်ကြပါ။

၁၁ အခုချိန်မှာ ခင်ဗျားတို့က ယုဒလူမျိုးလား၊ လူမျိုးခြားလားဆိုတာတွေက အရေးမကြီးဘူး။ အရေဖျားလှီးတဲ့သူနဲ့ အရေဖျားမလှီးတဲ့သူကြားမှာလည်း ဘာခြားနားမှုမှ မရှိဘူး။ ခင်ဗျားတို့တွေက ဘယ်ဘာသာစကားကိုပြောတယ်၊ ဘာလူမျိုးဖြစ်တယ်ဆိုတာတွေ ကိစ္စမရှိဘူး။ ခင်ဗျားတို့က ကျွန်တွေလား၊ လွတ်လပ်တဲ့သူလားဆိုတာ အရေးမကြီးဘူး။ အခု ခရစ်တော်က ကျွန်တော်တို့အားလုံးကို သူ့အထဲမှာ ပေါင်းစည်းစေခဲ့တယ်။

၁၂ ဘုရားသခင်က ခင်ဗျားတို့ကို ချစ်တယ်။ ဘုရားသခင်က ခင်ဗျားတို့ကို ရွေးချယ်ပြီးတော့ သန့်ရှင်းတဲ့သူ ဖြစ်စေခဲ့တယ်။ ဒါကြောင့် ခင်ဗျားတို့ရဲ့ အတွင်းလူကို ဘုရားသခင်ရဲ့သဘောသဘာဝအသစ်နဲ့ ယူတင်ဝတ်ဆင်ပေးကြပါ။ စာနာရိုင်းပင်းမှုနဲ့ ကောင်းတာတွေကို လုပ်ဆောင်ကြပါ။ မာနထောင်လွှားခြင်းမရှိဘဲ၊ သနားကြင်နာပြီးတော့ အထူးစိတ်ရှည်သည်းခံကြပါ။

၁၃ အားနည်းချက်တွေရှိရင်လည်း တစ်ယောက်ကိုတစ်ယောက် လက်ခံပေးကြပါ။ တခြားသူတွေအပေါ် အပြစ်တင်ညည်းညူစရာ အကြောင်းကိစ္စတွေရှိခဲ့ရင် ခရစ်တော်က ခင်ဗျားတို့ကို ခွင့်လွှတ်ခဲ့သလို အချင်းချင်း တစ်ယောက်ကိုတစ်ယောက် ခွင့်လွှတ်ကြပါ။

၁၄ အရေးကြီးဆုံးက ခင်ဗျားတို့ရဲ့အတွင်းလူကို ချစ်ခြင်းမေတ္တာနဲ့ ယူတင်ဝတ်ဆင်ဖို့ ဖြစ်တယ်။ ချစ်ခြင်းမေတ္တာက စည်းလုံးစေပြီးတော့ ပြီးပြည့်စုံမှုကိုဖြစ်စေတယ်။

၁၅ ခင်ဗျားတို့ရဲ့နှလုံးသားထဲမှာ ဘုရားသခင်ရဲ့ငြိမ်သက်ခြင်း ပြည့်ဝပြီးတော့ မှန်ကန်တဲ့ဆုံးဖြတ်ချက်တွေကို ချမှတ်ရာမှာ ကူညီပေးပါစေ။ ခင်ဗျားတို့က ခရစ်တော်ရဲ့တစ်ခုတည်းသောခန္ဓာကိုယ်ရဲ့အင်္ဂါတွေ ဖြစ်လာခဲ့ကြပြီမို့လို့ တစ်ယောက်နဲ့တစ်ယောက် ခင်ခင်မင်မင်နဲ့ ငြိမ်းငြိမ်းချမ်းချမ်း အသက်ရှင်နေထိုင်ကြပါ။

၁၆ ခရစ်တော် ပြောခဲ့တာတွေကို ဂရုတစိုက် သင်ယူလေ့လာကြပါ။ ဒီလိုဆိုရင် ခရစ်တော် ပြောတဲ့စကားက ခင်ဗျားတို့အထဲမှာ အသက်ရှင်ပြီးတော့ ခင်ဗျားတို့ကို ဉာဏ်ပညာရှိစေလိမ့်မယ်။ ရှင်ဘုရင်ဒါဝိဒ် ရေးဖွဲ့ခဲ့တဲ့ ဆာလံကျမ်းထဲက ချီးမွမ်းသီချင်းတွေကို သင်ယူကြပါ။ ဝတ်ပြုကိုးကွယ်ခြင်း ဓမ္မသီချင်းတွေနဲ့ တစ်ယောက်ကိုတစ်ယောက် ခွန်အားပေး တိုက်တွန်းကြပါ။ သန့်ရှင်းတဲ့ဝိညာဉ်တော်က ခင်ဗျားတို့ကို ပေးတဲ့ သီချင်းသစ်တွေနဲ့ တစ်ယောက်ကိုတစ်ယောက် လှုံ့ဆော်ကြပါ။ ဘုရားသခင်ရဲ့ကျေးဇူးတော်က ဘာလဲဆိုတာ အကောင်းဆုံးသင်ယူကြပါ။ ဒီလိုဆို ခင်ဗျားတို့ရဲ့နှလုံးသားက သခင်ယေရှုကို ချီးမွမ်းသီချင်းဆိုလာလိမ့်မယ်။

၁၇ ခင်ဗျားတို့က သခင်ယေရှုခရစ်တော်ကို ကိုယ်စားပြုကြတယ်။ ဒါကြောင့် ခင်ဗျားတို့ရဲ့အပြုအမူတွေ၊ စကားအပြောအဆိုတွေက ခရစ်တော်ရဲ့ကိုယ်စားလှယ်တွေလို ပြုမူကြရမယ်။ ခရစ်တော်ကတစ်ဆင့် အဖဘုရားသခင်ဆီကို လာပြီးတော့ ကျေးဇူးတော်ချီးမွမ်းကြပါ။

၁၈ ဇနီးသည်တို့၊ ခင်ဗျားတို့ရဲ့ လင်ယောကျ်ားတွေကို နာခံကြပါ။ ဒါက သခင်ယေရှုနဲ့သက်ဆိုင်တဲ့သူတွေ ပြုမူသင့်တဲ့အရာ ဖြစ်တယ်။

၁၉ လင်ယောကျ်ားတို့၊ ခင်ဗျားတို့ရဲ့ ဇနီးသည်တွေကို ချစ်မြတ်နိုးကြပါ။ သူတို့အပေါ် ကြမ်းကြမ်းတမ်းတမ်း မပြုမူကြနဲ့။

၂၀ သားသမီးတို့၊ အစစအရာရာမှာ မိဘစကားကို နားထောင်ကြပါ။ ဘာဖြစ်လို့လဲဆိုတော့ မိဘစကားကို နားထောင်ခြင်းက ဘုရားသခင်ကို ဝမ်းမြောက်စေတယ်။

၂၁ ဖခင်တို့၊ ကိုယ့်ရဲ့ သားသမီးတွေနဲ့ အငြင်းအခုံမဖြစ်ကြနဲ့။ ဒါမှမဟုတ်ရင် သားသမီးတွေက ခင်ဗျားတို့နဲ့ ပွင့်ပွင့်လင်းလင်း ဆက်ဆံကြမှာ မဟုတ်တော့ဘူး။

၂၂ အစေခံကျွန်တို့၊ အရာရာမှာ ခင်ဗျားတို့ရဲ့ လောကသခင်တွေကို နာခံကြပါ။ သူတို့တွေ စောင့်ကြည့်နေတဲ့အချိန်မှာပဲ မဟုတ်ဘဲနဲ့ သူတို့ နှစ်သက်အောင် အမြဲလုပ်ဆောင်ကြပါ။ ဘုရားသခင်ကို အထူးရိုသေလေးမြတ်ပြီးတော့ ခင်ဗျားတို့ရဲ့ သခင်တွေကို အကောင်းဆုံး အစေခံကြပါ။

၂၃ ကိုယ်လုပ်ဆောင်တဲ့အရာကို ချစ်မြတ်နိုးကြပါ။ လူတွေအတွက် မဟုတ်ဘဲနဲ့ သခင်ယေရှုအတွက် လုပ်ဆောင်မဲ့အတိုင်း လုံ့လဝီရိယရှိရှိနဲ့ အလုပ်လုပ်ကြပါ။

၂၄ ခင်ဗျားတို့က ခင်ဗျားတို့ရဲ့သခင်ဖြစ်တဲ့ ခရစ်တော်ကို အစေခံနေကြတယ်ဆိုတာ သိကြရမယ်။ ခရစ်တော်ဆီကနေ အမွေဥစ္စာကို ဆုအဖြစ် ခင်ဗျားတို့တွေ လက်ခံရရှိကြလိမ့်မယ်။

၂၅ မကောင်းတာကို လုပ်တယ်ဆိုရင် အဲ့ဒီ မကောင်းမှုက ခင်ဗျားတို့ဆီ ပြန်လာလိမ့်မယ်။ ဘုရားသခင်က လူသားအားလုံးကို တရားမျှတစွာနဲ့ ဆက်ဆံတယ်။
1 You have been raised with Christ who sits in heavens at the right hand of God in a place of honor. So focus your attention on the reality of heaven.

2 Think of spiritual things, not earthly things.

3 You died for sinful life. In God you found a safe refuge from this world. And now you live a new life with Christ.

4 When He comes to the earth, you will also come with Him in His glory.

5 So put your sinful nature to death. Sexual immorality, evil desires, harmful addictions and nasty lust must die. Kill your greed which leads a person to worship things like an idol.

6 God will pour out His wrath on those who keep sinning and keep being hostile to Him.

7 You used to live like everyone else. You did the same sins as all people do.

8 But now you must leave behind your old way of life. Refrain from anger and do not give in to furious outbursts. Do not take part in evil activities. Do not insult one another and do not speak impure words.

9 Do not deceive one another. Take off your sinfulness from your inner person like old clothes. And do not go back to your sinful deeds.

10 Put on the new nature of God. Get to know God and renew your inner person to become like the Creator.

11 Now it is not important if you are the Gentiles or Jews. There is no difference between a circumcised and an uncircumcised person. It does not matter what language you speak or what nationality you are. It is not important if you are slaves or free. Now Christ united all of us in Himself.

12 God loves you. He chose you and made you holy. So put the new nature of God on your inner person. Show compassion and do good things. Do not rise above one another, be kind and very patient.

13 Accept one another despite the weaknesses. If you have some reasons to complain, forgive one another as Christ forgave you.

14 But the most important thing is to dress your inner person with love. Love unites and brings perfection.

15 May God's peace fill your hearts and help you make the right decisions. You became the members of one Body of Christ. That is why you should live in peace and be friendly with one another.

16 Study carefully what Christ said. Then His Word will live in you, and it will make you wise. Learn the songs of praise from the Psalms written by King David. Encourage one another with solemn hymns of worship. Inspire each other with new songs which the Holy Spirit gives you. Do your best to learn what God's grace is, then your hearts will sing to the Lord.

17 You represent the Lord Jesus Christ. So speak in His name and act as His representatives. Come through Christ to God the Father and give thanks to Him.

18 Wives, submit to your husbands. This is how those who belong to the Lord should behave.

19 Husbands, love your wives and do not offend them.

20 Children, obey your parents in everything because it brings joy to the Lord.

21 Fathers, do not make conflicts with your children, as it may lead them to distance themselves from you.

22 Slaves, obey your earthly masters in everything. Please them always, and not only when they are watching you. Treat God with deep reverence and serve your masters with a sincere heart.

23 Love what you do. Work diligently, as you would work for the Lord, and not for the people.

24 You should know that you serve Christ who He is your Lord. He will reward you, and you will receive an inheritance.

25 But if you do evil then evil will return to you. God treats all people with justice.

အခန်းကြီး ၄

Chapter 4

၄း၁ သခင်တို့၊ ခင်ဗျားတို့ရဲ့အစေခံကျွန်တွေအပေါ်မှာ တရားသဖြင့် မျှမျှတတ ဆက်ဆံကြပါ။ ခင်ဗျားတို့ အထက်မှာ ကောင်းကင်ဘုံကနေ ကျွန်တော်တို့အားလုံးကို မြင်တဲ့ သခင်တစ်ပါး ရှိတယ်ဆိုတာ သတိရကြပါ။

၂ ခင်ဗျားတို့ရဲ့ အချိန်ကို ဆုတောင်းဖို့အတွက် ပုံမှန်ဆက်ကပ်ကြပါ။ ကျေးဇူးတော်ချီးမွမ်းတဲ့နှလုံးသားနဲ့ ဆုတောင်းကြပါ။ ပြီးတော့ ဆုတောင်းနေတဲ့အချိန်မှာ အာရုံမလွင့်စေပါနဲ့။

၃ သခင်ယေရှုအကြောင်းကို ဟောပြောခဲ့လို့ ကျွန်တော်က ထောင်အကျဉ်းသားဖြစ်နေတယ်။ ဒါကြောင့် ဘုရားသခင်က သူ့ရဲ့နှုတ်ကပတ်စကား ဟောပြောရတဲ့အခွင့်အလမ်းတွေ ကျွန်တော်တို့ကို ဖွင့်ပေးဖို့ ကျွန်တော်တို့အတွက်လည်း ဆုတောင်းပေးကြပါ။ ဒါမှ ကျွန်တော်တို့က ခရစ်တော်ရဲ့နက်နဲတဲ့အကြောင်းကို တခြားသူတွေဆီ ပြောပြနိုင်မှာဖြစ်တယ်။

၄ ခရစ်တော်ရဲ့လျှို့ဝှက်ချက်ကို ရှင်းလင်းတဲ့စကားလုံးတွေနဲ့ ရှင်းပြရမှာဖြစ်လို့ ကျွန်တော့်အတွက် ဆုတောင်းပေးကြပါ။

၅ ယေရှုကို မယုံကြည်တဲ့သူတွေအပေါ် ပညာသတိရှိရှိ ပြုမူကြပါ။ သူတို့တွေနဲ့ အတူရှိတဲ့အချိန်ကို အကျိုးရှိရှိ အသုံးပြုကြပါ။

၆ ခရစ်တော်ရဲ့ကျေးဇူးတော်က ဘာလဲဆိုတာ နားလည်လာရင် မယုံကြည်သူတစ်ယောက်က သူရဲ့မေးခွန်းတွေအတွက် အဖြေတွေကို ရလာလိမ့်မယ်။ ခင်ဗျားတို့ရဲ့စကားလုံးတွေက ကိုယ့်ရဲ့အစားအစာထဲ ဆားထည့်သလိုမျိုး တင့်တယ်လျောက်ပတ်ပါစေ။

၇ သခင်ယေရှုအတွက် အလုပ်လုပ်ပြီး သစ္စာရှိရှိအစေခံတဲ့ ကျွန်တော်တို့ရဲ့ချစ်ညီလေး တုခိတ်ကို ခင်ဗျားတို့ဆီ ကျွန်တော် လွှတ်လိုက်တယ်။ သူက ကျွန်တော့်အကြောင်းတွေအားလုံးကို ခင်ဗျားတို့ဆီ ပြောပြလိမ့်မယ်။

၈ ခင်ဗျားတို့ဆီမှာ ဖြစ်ပျက်နေတာတွေကိုလည်း သူ့ဆီ ပြောပြကြပါ။ သူက ခင်ဗျားတို့ရဲ့နှလုံးသားကို ငြိမ်သက်စေမှာပါ။

၉ တုခိတ်က ခင်ဗျားတို့လူမျိုးဖြစ်တဲ့ ညီလေး သြနေသိမ်နဲ့ ခင်ဗျားတို့ဆီ အတူလာလိမ့်မယ်။ ကျွန်တော်တို့ချစ်ရတဲ့ညီလေး သြနေသိမ်က သခင်ယေရှုကို သစ္စာရှိရှိ အစေခံတယ်။ တုခိတ်နဲ့ သြနေသိမ်က ကျွန်တော်တို့ဆီမှာ ဘာတွေဖြစ်ပျက်နေသလဲဆိုတာ ခင်ဗျားတို့ကို အကုန်ပြောပြလိမ့်မယ်။

၁၀ ကျွန်တော်နဲ့အတူ ထောင်သားဖြစ်နေတဲ့ အာရိတ္တာခုက ခင်ဗျားတို့ကို နှုတ်ဆက်လိုက်ပါတယ်။ ဗာနဗရဲ့တူ မာကုကလည်း ခင်ဗျားတို့ကို နှုတ်ဆက်လိုက်ပါတယ်။ တကယ်လို့ ခင်ဗျားတို့ဆီ မာကု လာခဲ့ရင် သူ့ကို လက်ခံကြရမယ်။

၁၁ အားလုံးက ယုတ္တုလို့ခေါ်ကြတဲ့ ညီလေးယေရှုက ခင်ဗျားတို့ကို နှုတ်ဆက်လိုက်ပါတယ်။ ယုဒလူမျိုးထဲမှာ သူတို့တွေပဲ ကျွန်တော်နဲ့အတူ ဘုရားသခင်ရဲ့နိုင်ငံတော်အတွက် အလုပ်လုပ်ကြပြီးတော့ သူတို့က ကျွန်တော့်ကို တကယ်ဝမ်းသာစေကြတယ်။

၁၂ ဧပဖြက ခင်ဗျားတို့ထဲကတစ်ယောက် ဖြစ်တယ်။ သူက ယေရှုခရစ်တော်ရဲ့အစေခံတစ်ယောက်ဖြစ်ပြီးတော့ သူကလည်း ခင်ဗျားတို့ကို နှုတ်ဆက်လိုက်ပါတယ်။ သူက ခင်ဗျားတို့အတွက် ဇွဲရှိရှိနဲ့ အမြဲတမ်း ဆုတောင်းပေးတယ်။ ဘုရားသခင်က ခင်ဗျားတို့ကို ရင့်ကျက်စေဖို့၊ ခင်ဗျားတို့ အသက်တာမှာ ဘုရားသခင် ဘာလုပ်ချင်သလဲဆိုတာ ခင်ဗျားတို့တွေ အပြည့်အဝ နားလည်ကြဖို့ သူက ဆုတောင်းပေးတယ်။

၁၃ ဧပဖြက ဇွဲလုံလကြီးမားတဲ့သူဆိုတာ ကျွန်တော် အာမခံပါတယ်။ သူက ခင်ဗျားတို့ အပါအဝင် လောဒိကိနဲ့ ဟေရပေါလိမှာ နေတဲ့သူတွေအတွက် အလုပ်လုပ်တယ်။

၁၄ ကျွန်တော်တို့ချစ်ရတဲ့ ဆရာဝန်လုကာနဲ့ ဒေမက ခင်ဗျားတို့ကို နှုတ်ဆက်ပါတယ်။

၁၅ လောဒိကိမှာ ရှိကြတဲ့ ညီအစ်ကိုတွေဆီ နှုတ်ခွန်းဆက်စကား ပို့ပေးကြပါ။ ညီမ နံဖနဲ့ သူ့ရဲ့အိမ်မှာစုဝေးကြတဲ့ ယုံကြည်သူတွေကို နှုတ်ဆက်ပေးပါ။

၁၆ ဒီစာကို ခင်ဗျားတို့ရဲ့အသင်းတော်ထဲမှာ ဖတ်ပြပြီးရင် လောဒိကိမှာရှိတဲ့ ယုံကြည်သူတွေဆီ ပို့ပေးလိုက်ပါ။ လောဒိကိအသင်းတော်ဆီ ကျွန်တော် ရေးခဲ့တဲ့ စာကိုလည်း ခင်ဗျားတို့ ဖတ်သင့်တယ်။

၁၇ အာခိပ္ပုကို “သခင်ယေရှုဆီက ခင်ဗျား လက်ခံရရှိခဲ့တဲ့ ဘုရားအမှုဆောင်ခြင်းအလုပ်ကို တာဝန်ကျေဖို့ ဂရုစိုက်ပါ”လို့ ပြောပေးကြပါ။

၁၈ ကျွန်တော် ပေါလုက ဒီနှုတ်ဆက်စကားကို ခင်ဗျားတို့ဆီ ကိုယ်တိုင် လက်နဲ့ရေးလိုက်ပါတယ်။ ကျွန်တော်က ထောင်ထဲမှာ သံကြိုးတွေနဲ့ရှိနေတယ်ဆိုတာ သတိရကြပါ။ ဘုရားသခင်ရဲ့ကျေးဇူးတော်ထဲမှာ အသက်ရှင်ကြပါ။ အာမင် - ပြည့်စုံပါစေ။
1 Masters, be fair and just to your slaves. Remember that there is the Lord above you who watches over all of us from heaven.

2 Regularly dedicate your time for prayer. Pray with a thankful heart and avoid distractions during prayer.

3 I was put in prison because I preached about the Lord. So pray also for us so that God would open the doors for us to preach His Word. Then we will be able to tell others about the mystery of Christ.

4 Pray about me because I must explain this secret clearly.

5 Behave wisely towards the unbelievers. Spend time with them in a meaningful way.

6 An unbeliever will be able to get answers to his questions if he understands what the grace of Christ is. Add grace to your words as you add salt to your food.

7 I sent to you our dear brother Tychicus who faithfully serves and works for the Lord. He will tell you everything about me.

8 You can also tell him what is happening with you, and he will calm down your hearts.

9 Tychicus will come to you with brother Onesimus who is one of your own people. Our dear brother Onesimus faithfully serves the Lord. Tychicus and Onesimus will share with you about everything what is happening with us.

10 Aristarchus was put in prison along with me, and he is sending you greetings. Mark who is a nephew of Barnabas is greeting you. And if Mark visits you, you must welcome him.

11 Jesus who is also known as Justus is sending greetings to you. They are the only Jews who work with me for the Kingdom of God. And they bring me great joy.

12 Epaphras is one of your own people. He is the servant of Jesus Christ, and he is also greeting you. He always prays hard for you. He asks God to make you mature. He prays that you could fully understand what God wants to do in your lives.

13 I assure you that Epaphras shows a great zeal. He works both for you and for those who live in Laodicea and Hierapolis.

14 Our dear doctor Luca and Dimas are greeting you.

15 Send greetings to the brothers who live in Laodicea. Greet Nympha and the church which meets at her house.

16 Read this letter in your church then send it to the church in Laodicea. And you should read the letter which I wrote to the church in Laodicea.

17 Pass my words to Archippus, “Be careful, fulfill the ministry which you received from the Lord.”

18 I, Paul, greet you and sign this letter with my own hand. Remember that I am put in prison. Live in the grace of the Lord. Amen.